Rossiya terma jamoasi 2026 yilgi Jahon chempionati qur’asiga qo‘yilmadi
“Match TV” telekanalining xabar berishicha, Rossiya futbol terma jamoasi 2026 yilgi Jahon chempionati saralash turniri qur’asida ishtirok etmaydi. Qaror Rossiya futbol federatsiyasining (RFF) chetlatilishi davom etayotgani sharoitida UEFA va FIFA tomonidan qabul qilingan.
“Jamoa xavfsizlik masalalari tufayli saralash bosqichida qatnasha olmaydi. UEFA va FIFA RFF chetlatilganidan buyon o‘z nuqtai nazarlarini o‘zgartirmagan,” — deya aniqlik kiritdi telekanal manbasi.
Bu Rossiya terma jamoasi ishtirok etmaydigan uchinchi yirik turnir bo‘ladi. Avvalroq jamoa 2022-yilgi Jahon chempionati va Yevro-2024da qatnashmagan edi.
JCH-2026 qur’a tashlash marosimi 13-dekabr kuni Syurixda o‘tkaziladi. Yevropa mintaqasidagi saralash o‘yinlari 2025-yil martidan 2026-yil martigacha davom etadi.
Rossiya xalqaro futbol maydonida yakkalanib qolishni davom ettirmoqda, bu esa uning yaqin kelajakdagi yirik musobaqalarda ishtirok etish imkoniyatlarini shubha ostiga qo‘ymoqda.