MOKda aralash jang san’atlari bo‘yicha jahon chempionatiga tayyorgarlik muhokama qilindi
5-10 noyabr kunlari Toshkentda ilk bor aralash jang san’atlari bo‘yicha jahon chempionati o‘tkaziladi. Milliy olimpiya qo‘mitasida (MOQ) musobaqalarga tayyorgarlik masalalariga bag‘ishlangan yig‘ilish bo‘lib o‘tdi.
Muhokamada Xalqaro aralash jang san’atlari federatsiyasi prezidenti Kerrit Braun, MOQ Bosh kotibi Oybek Qosimov, Mudofaa vaziri o‘rinbosari Alisher Narboyev, Qo‘mita raisi o‘rinbosari Sherzod Toshmatov va O‘zbekiston MMA uyushmasi vakillari ishtirok etdilar.
Yig‘ilishda chempionatning turli tashkiliy masalalari ko‘rib chiqildi. Qosimov O‘zbekiston dzyudo, boks va boshqa sport turlari bo‘yicha jahon chempionatlari kabi xalqaro musobaqalarni o‘tkazishda katta tajribaga ega ekanligini ta’kidladi.
Braun mamlakatda aralash jang san’atlariga qiziqish yuqori ekanligini ta’kidlab, chempionat yuqori darajada o‘tishiga ishonch bildirdi. Yig‘ilish ishtirokchilari musobaqaning tantanali ochilish marosimi, mehmonlar uchun sharoitlar va transport logistikasi masalalarini muhokama qildilar.