Toshkentda Butunjahon dzyudo kuniga bag‘ishlangan tadbir bo‘lib o‘tdi
Sport bayramida O‘zbekiston Respublikasi Sport vaziri Adham Ikromov, Osiyo Olimpiya kengashi vitse-prezidenti Otabek Umarov, shuningdek, boshqa rasmiy shaxslar va o‘zbek dzyudosi yulduzlari ishtirok etdi.
Tadbirni Shahrullo Mahmudov va Oybek Qosimov ochib berib, dzyudo yoshlar orasida tobora ommalashib, sevimli sport turiga aylanib borayotganini ta’kidladi. Ular O‘zbekiston uchun Olimpiya o‘yinlarida ilk oltin medalni dzyudochi Diyora Keldiyorova qo‘lga kiritganini, boshqa sportchilarning yutuqlari ham terma jamoaning umumiy natijasiga sezilarli ta’sir ko‘rsatganini ta’kidladi.
Keldiyorova va Olimpiada bronza medali sovrindori Muzaffarbek To‘raboyev yoshlar o‘rtasida mahorat darsi o‘tkazdi. Diyora, shuningdek, Tokiodagi Olimpiya o‘yinlarida ishtirok etgan kimonosini xayriya jamg‘armasiga topshirdi. U auksionga qo‘yilib, tushgan mablag‘ xayriya ishlariga yo‘naltiriladi.
O‘zbekiston terma jamoasi murabbiylari Ilias Iliadis va Muzaffarbek To‘raboyev o‘z chiqishlarida yuqori natijalarga erishish yo‘lida qilgan sa’y-harakatlari bilan o‘rtoqlashib, mamlakatimizda sport bilan shug‘ullanish uchun barcha sharoit yaratilganini ta’kidladilar. Tadbir so‘ngida bolalarga an’anaviy tarzda shirinliklar tortiq qilindi.