O‘zbekiston, Tojikiston va Qirg‘iziston 2031-yilgi Osiyo kubogi mezbonligi uchun kurashadi
Osiyo Futbol Konfederatsiyasi (OFK) 2031-yilgi Osiyo Kubogini o‘tkazish uchun rekord darajadagi arizalar sonini e’lon qildi – yetti mamlakat, jumladan O‘zbekiston, Tojikiston va Qirg‘izistonning qo‘shma arizasi ham bor.
Kuala-Lumpurda bo‘lib o‘tgan OFK Ijroiya qo‘mitasi yig‘ilishida ushbu tashabbus turnir uchun tarixiy yutuq ekanligi ta’kidlandi. OFK prezidenti Shayx Salman bin Ibrohim Al-Xalifa Osiyo kubogini o‘tkazishga bo‘lgan yuqori qiziqishdan mamnuniyatini bildirdi.
Markaziy Osiyo davlatlarining qo‘shma arizasidan tashqari, Avstraliya, Hindiston, Indoneziya, Koreya Respublikasi, Quvayt va Birlashgan Arab Amirliklari ham turnirni o‘tkazish huquqi uchun da’vogarlik qilmoqda.
OFK nomzodlar bilan hamkorlikda 2025-yil 31-martgacha tanlov hujjatlarini tayyorlash va topshirishni rejalashtirmoqda.
Shuningdek, OFKning barcha qo‘mitalari, jumladan Osiyo Kubogi tashkiliy qo‘mitasi, Moliya qo‘mitasi, Musobaqalar qo‘mitasi va Professional futbol qo‘mitasi qarorlari ham tasdiqlandi.