Yevro-Osiyo do‘stlik kubogi final bosqichi o‘tkaziladigan sana va joy ma’lum bo‘ldi
Yarim final va final 2025-yil 6-7-yanvar kunlari Tula shahrida bo‘lib o‘tadi.
Unda VXL chempioni "Neftyanik" (Almetevsk, Rossiya), Ekstraliga chempioni "Metallurg" (Jlobin, Belarus), "Humo" jamoamiz (Toshkent, O‘zbekiston) va VXL vitse-chempioni AKM (Tula, Rossiya) ishtirok etadi.
Eslatib o‘tamiz, joriy yilning avgust oyida Toshkentda YeAOK saralash bosqichi bo‘lib o‘tgan edi, unda "Humo" uchta o‘yinda ham g‘alaba qozongan edi. Ikkinchi yo‘llanmani AKM qo‘lga kiritdi va u final bosqichi mezboni bo‘ladi.