O‘zbekistonlik qilichbozlar jahon kubogi jamoaviy dasturida kumush medalga sazovor bo‘ldi
Qilichbozlik bo‘yicha O‘zbekiston yoshlar terma jamoasi Pusan shahrida o‘tkazilgan Jahon kubogi bosqichini muvaffaqiyatli yakunladi. Jamoaviy bahslarda sportchilarimiz kumush medalni qo‘lga kiritdi.
Final yo‘lida qizlar chorak finalda Tailand va yarim finalda Gonkongni mag‘lub etishdi. Finalda esa o‘zbekistonlik qilichbozlar Janubiy Koreya terma jamoasiga 39:45 hisobida imkoniyatni boy berdi. Jamoaviy bahslarda Guliston Perdibayeva, Fernanda Errera, Samira Shokirova va Ayaqo‘z Jumamuratova O‘zbekiston sharafini himoya qildi.
Bundan tashqari, yakkalik bahslarida Perdibayeva avvalroq bronza medalini qo‘lga kiritgan edi.
Bogdan Burikin, atayin “Karavan-Info” uchun