Moskvada qo‘l jangi bo‘yicha "Do‘stlik kubogi-2025" Jahon kubogi bosqichi yakunlandi
28-aprel kuni Moskvadagi Xalqaro sambo markazida qo‘l jangi bo‘yicha "Do‘stlik kubogi-2025" Jahon kubogi bosqichi yakuniga yetdi. Musobaqaning so‘nggi kunida erkaklar va ayollar o‘rtasida "Yakkama-yakka jang" hamda "O‘zini o‘zi himoya qilish" yo‘nalishlari bo‘yicha g‘oliblar aniqlandi.
"Yakkama-yakka jang" musobaqasida Vladislav Volkov (Rossiya, 57 kg gacha), Zaurbek Kanametov (Rossiya, 62 kg gacha), Baurjan Asilbekov (Qozog‘iston, 67 kg gacha), Aslan Oraz (Qozog‘iston, 73 kg gacha), Miras Uzdenbekov (Qozog‘iston, 80 kg gacha), Aleksey Karasev (Rossiya, 88 kg gacha), Vadzim Rolich (Belarus, 97 kg dan yuqori), Vladimir Drach (Belarus, 73 kg gacha mutlaq toifa), Maya Kolesnik (Rossiya, 48 kg gacha), Arujan Shimirova (Qozog‘iston, 53 kg gacha), Roza Knish (Rossiya, 58 kg gacha), Mariya Kruchonak (Belarus, 64 kg gacha) va Jiyana Emilyanova (Belarus, 70 kg dan yuqori) oltin medallarga sazovor bo‘lishdi.
"O‘zini o‘zi himoya qilish" yo‘nalishida Kristina Gordiyenko (Qozog‘iston, 70 kg gacha) va Stepan Baranik (Rossiya, 80 kg gacha) g‘oliblikni qo‘lga kiritishdi.
"Bunday xalqaro tadbir Jahon kubogi bosqichi doirasida butun dunyodan sportchilarni birlashtiradi. "Do‘stlik kubogi-2025" ishtirokchilari yuqori mahorat namoyish etmoqda va ushbu turnir ham bundan mustasno emas.
Rossiya va Belarus ayollar terma jamoalari ajoyib natijalar ko‘rsatmoqda. Ushbu turnir g‘oliblari oktyabr oyida Qozog‘iston poytaxti Ostonada bo‘lib o‘tadigan finalda ishtirok etish imkoniyatiga ega bo‘ladi.
Tadbir an’anaviy ravishda eng yuqori darajada tashkil etildi. Moskva shahri hukumati va Sport departamentiga musobaqani qo‘llab-quvvatlagani va o‘tkazishga qo‘shgan hissasi uchun minnatdorchilik bildirmoqchiman," — dedi Xalqaro qo‘l jangi federatsiyasi prezidenti Sergey Astaxov.
Afsuski, musobaqaning ikkinchi kuni o‘zbekistonlik sportchilar uchun birinchi kungidek omadli bo‘lmadi. Birinchi kuni sportchimiz bitta oltin medal qo‘lga kiritgan edi.