FIFA prezidenti O‘zbekiston Futbol Assotsiatsiyasi prezidentiga minnatdorlik maktubi yo‘lladi
FIFA prezidenti Janni Infantino O‘zbekiston Futbol Assotsiatsiyasi prezidenti Abdusalom Azizovga futzal bo‘yicha jahon chempionatining yuqori darajada muvaffaqiyatli o‘tkazilgani munosabati bilan minnatdorlik maktubi yo‘lladi.
“O‘zbekistonning do‘stona munosabati va mehmondo‘stligidan, ayniqsa, Braziliya — Argentina o‘yinidagi muhitdan juda ta’sirlandim.
Avvalo, O‘zbekiston Respublikasi Prezidenti Shavkat Mirziyoyevga minnatdorchilik bildirmoqchiman. Shuningdek, Bosh vazir Abdulla Aripovga, sport vaziri Adham Ikromovga, Siz boshqarayotgan futbol assotsiatsiyasiga, birinchi vitse-prezident Ravshan Irmatovga hamda Toshkent, Andijon va Buxoroda mehnat qilgan barcha insonlarga o‘z minnatdorchiligimni izhor etaman.
Sizning fidokorona mehnatingiz va jonbozligingiz tufayli ushbu chempionat haqiqatan ham ajoyib tarzda o‘tdi. Ushbu turnir futzal bo‘yicha eng yaxshi va eng muvaffaqiyatli jahon chempionati sifatida tarixga muhrlandi.
Shu davr mobaynida siz bilan futbolni rivojlantirish bo‘yicha fikr va g‘oyalar almashish imkoniyatiga ega bo‘lganimdan mamnunman. FIFA mamlakatingizda futbolni rivojlantirishga qaratilgan tashabbuslarni amalga oshirishga doimo tayyor turadi.”