O‘zbekistonlik yosh gimnastikachilar Dubaydagi turnirda oltin medalni qo‘lga kiritdi
O‘zbekistonlik yosh vakillar Dubayda o‘tkazilgan "Pirouette challenge cup 2025" badiiy gimnastika xalqaro turnirida muvaffaqiyatli qatnashib, oltin, kumush va bronza medallarini qo‘lga kiritdilar. Ayniqsa, Toshkent shahrining Yakkasaroy tumanidagi 2-sonli sport maktabi murabbiyi Sevinch Tohirovaning shogirdlari ajralib turdi.
Sakkiz yoshli Mira Elxoli va o‘n yoshli Yasmina Mahmudova turnirning oltin medallariga sazovor bo‘lishdi. Jami 7 yoshdan 10 yoshgacha bo‘lgan oltita yosh gimnastikachi o‘z murabbiyi rahbarligida Dubayga tashrif buyurdi. Ikki oltin medaldan tashqari, O‘zbekiston jamoasi hisobida yana ikki kumush va ikki bronza medal ham bor.
Ta’kidlash joizki, badiiy gimnastika bo‘yicha oliy toifali sport ustasi Sevinch Tohirova uchun Xalqaro klublar ligasi tomonidan tashkil etilgan Dubaydagi turnirda ilk bor ishtirok etish emas. 2024-yilda Mira Elxoli ushbu musobaqaning oltin medali va Gran-prisini qo‘lga kiritgan edi.
"Pirouette challenge cup 2025" musobaqasida 16 mamlakatdan gimnastikachilar ishtirok etdi. O‘zbekistonlik yosh sportchi qizlarning muvaffaqiyatli chiqishi, ularning yoshi, uzoq parvoz va iqlimga moslashish qiyinchiliklariga qaramay, muhim tajriba bo‘ldi hamda o‘zbek badiiy gimnastikasining yuqori darajadagi tayyorgarligini namoyish etdi. Qizlarning o‘zlari ham xalqaro maydonda o‘z vatanlarini munosib tarzda taqdim etish mas’uliyatini chuqur his qildilar. Endi ular qo‘lga kiritgan medallar respublika ichkarisida o‘tkazilgan musobaqalarda qo‘lga kiritilgan mukofotlar qatoriga qo‘shiladi.